ARTIKEL

BORNEO BA MATA DUNYA… Bemacham langgur pengawa diatur serimbai Pengerami Tanda Kreatif Etnik Borneo (Ethdance 2023) kena 2 enggau 3 Disember 2023 ngambi ngayanka penyelai main asal, seni sereta adat Pulau Borneo ba mata dunya.

Ethdance 2023 diatur 2 – 3 Disember tu

Facebook
Twitter
LinkedIn
WhatsApp
Telegram

BINTULU: Pengerami Tanda Kreatif Etnik Borneo (Ethdance 2023) ti diatur kena 2 enggau 3 Disember 2023 deka ngayanka penyelai main asal, seni sereta adat Pulau Borneo ba mata dunya.

Direktor Program nya, Mohd Amaludin Salleh madah, program diatur Universiti Putra Malaysia Kampus Bintulu (UPMKB) enggau kerejasama Opis Menteri Dagang Temuai, Industri Kreatif enggau Seni Pemerindang Sarawak (MTCP) nya deka ngayan pesaka main asal bemacham raban bansa.

Ethdance ku iya, ngayanka peneleba baru nengah bemacham aktiviti nengah tanda enggau pemerindang main asal.

“Program tebuka ngagai semua peranak enggau ukai peranak Malaysia. Taja pia, pekit sekali tu semina ditatak ngagai 14 tim aja,” ku iya.

Iya madah, pengerami nya deka ngayanka main asal enggau komuniti ba Pulau Borneo kelimpah mantaika bakat nembiak ba seni pemerindang tanda etnik borneo.

“Kitai ngarapka EthDance 2023 ulih ngelaku seni enggau main asal sereta ngangkat Sarawak nyadi palan pematak dagang temuai berindik ari pekit tu tebuka ngagai penyereta menua luar baka Indonesia enggau Brunei Darussalam,” terang iya.

Nya alai, barang sapa ti minat masuk pekit tu ulih meda atur enggau pom ba link, http://ethdance2023.upm.edu.my/ tauka website, https://btu.upm.edu.my/.

Barang sapa ke deka nemu penerang silik tauka tanya bukai tau telefon ngagai Rosidah Basir, 019-2762004 (rosidahbasir@upm.edu.my), Asniar Salim, 013-8041030 (asniar@upm.edu.my) enggau Masna Suhaili 012-8797212 (masna@upm.edu.my).

Pom nya enda tau enda dianjung sebedau tauka kena 17 November tu.

LAIN-LAIN BERITA

SAR hari kelima, bayi 18 bulan belum ditemui

KANOWIT: Operasi mencari dan menyelamat (SAR) seorang bayi lelaki berusia 18 bulan yang dikhuatiri terjatuh dalam sungai Kanowit di Nanga Germai di sini, Ahad lalu

BERITA TERBARU