Ex-Adun Tamin meri sebidang tanah ngagai SDNU Selangau

SELANGAU: Gerempung Bansa Dayak Sarawak (SDNU) Pampang Selangau udah nerima sebidang tanah pemesai tiga ikar diberi ex- Adun Tamin Datuk Joseph Mauh Ikeh ke guna serakup nya.

Nya alai, Kaban Kunsil Nengeri (Adun) Tamin Ir Christopher Gira Sambang ngelalau raban SDNU chakah agi ngatur aktiviti komuniti ba pampang sida ngambi bejalaika tanggung pengawa ngagai komuniti Dayak empu.

Terang iya, SDNU nya nyadi terabai komuniti Dayak.

“Teruska tuju SDNU ngambi iya mengkang diguna enggau dikemansang nipakka pemansang kemaya hari.

“Pia mega, tanka serakup kitai tu ngambi ulih mantu komuniti Dayak di menua tu.

“Aku ngarapka bantu nya ulih nyaup pampang tu bejalaika mayuh pengawa mantu komuniti Dayak,” ku Gira.
Ba pengawa nya, bisi 200 iku udah datai ngagai pengawa diatur SDNU Selangau.

Suara Sarawak