ARTIKEL

NYAUT TANYA… Dr Sim bejaku lebuh ditanya pemberita pengudah bejadi Program Bejual Pengasih Gerempung Orang Bengal Sarawak (SSD) di Balai Gerempung Gerija Sarawak (ACS) ditu, kemari.

Ex-kaban PSB dilalu tama SUPP

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Parti Sa’ati Rayat Sarawak (SUPP) ngelalu ex-kaban Parti Sarawak Bersatu (PSB) tama dalam parti nya berindik ari parti PSB ti udah padam ensana.

Sapit Premier Sarawak ti mega Presiden SUPP, Datuk Amar Dr Sim Kui Hian madahka pekara tu beguna dikena negapka agi sukung ngagai Gempung Parti Sarawak (GPS).

“PSB padam nya ngelaika semua kaban di baruh parti nya suba pengudah masuk parti bukai nitihka peneka sida di baruh komponen GPS.

“Udah tentu, SUPP ngelaluka ex-kaban PSB masuk parti kami laban mayuh ari sida nya sebedau tu endang ari SUPP lalu kami mega kala begulai,” ku iya.

Dr Sim bejaku munyi nya lebuh ditanya pemberita pengudah bejadi Program Bejual Pengasih Gerempung Orang Bengal Sarawak (SSD) di Balai Gerempung Gerija Sarawak (ACS) ditu, kemari.

Ku iya, bala ex-kaban parti nya mega engka deka milih Parti Tindakan Demokratik (DAP) enggau Parti Keadilan Rakyat (PKR) laban sida ulih milih deka nitihka parti ti dikerindu.

Iya madah, pemutus madamka PSB dikena masuk Parti Demokratik Progresif (PDP) dipeda siti pekara ti nyelai dalam jalai cherita politik kelebih agi di nengeri tu.

“Aku tekenyit enggau pekara tu laban PSB suba ngelaban GPS. Sida enda ulih ‘munuh’ GPS, udah nya lalu mutuska nyeretai GPS ari PDP.

“Nya alai, kitai ulih meda tu pekara ti nyelai dalam senario politik Malaysia, ngelaban, nyadi bakih ila ngelaban baru, kitai enda nemu,” ku iya.

Iya madah, tuai GPS agi bedau ngatur aum ngerandau pekara tu tang sida endang deka baum dulu enda lama agi.

“GPS bedau betemu, lalu agi mayuh tanya bekaul undang-undang sereta pekara bekaul Rejister Gerempung (ROS) ti patut disaut,” ku iya.

Ungkup rikod, PSB padam kena 6 April ari sebengkah padah rambau Program Ngelaluka Kaban PSB tama PDP.

Nya ngemataka ex-presiden PSB Datuk Seri Wong Soon Koh dipadu nyadi Sapit Presiden Kanan PDP seraya Kaban Kunsil Nengeri (ADUN) Engkilili, Dr Johnical Rayong Ngipa sereta ADUN Ba’kelalan, Baru Bian dipadu nyadi Sapit Presiden PDP.

BERITA LAIN

KGBS temegah GPN ungkup SPM 2023 bisi niki

KUCHING: Gerempung Pengajar Bumiputera Sarawak (KGBS) temegah laban nembiak ti bulih A ba peresa Sijil Pelajaran Malaysia (SPM) 2023 bisi nambah enti dibanding enggau taun

BERITA TERBARU