MIRI: Ex-Kaban Parlimen (MP) Sibuti Datuk Ahmad Lai Bujang, 69 taun, udah midang urung pukul 5.32 pagi tadi ba Kuala Lumpur.
Nitihka penerang ari sida sebilik, niang mutus seput ba Institut Jantung Negara Kuala Lumpur.
Niang udah dibai pulai ngagai Miri lalu disembiang ba masjid Kampung Luak lemai tadi sebedau dianjung ngagai Tanah Pendam Islam Baluboh Miri.
Ahmad Lai ada kena 26 November 1949. Niang tu siku pengari PBB betanding ba Pengawa Bepilih Besai 2008 lalu mujur ngalahka Michael Teo Yu Keng ari PKR pengudah bulih 8,238 undi (64 peratus).
Ba PRU 2013, Ahmad Lai ngetan penuduk iya lebuh nerima 65 peratus undi.
Niang nadai betanding lebuh PRU tu tadi lalu meri awak ngagai Lukanisman Awang Sauni ti mujur ngalahka chalun PKR Jemat Panjang enggau chalun PAS, Zulaihi Bakar.
Niang siku ketuai politik ti dikerindu rayat lalu mayuh mantu peranak ba sitak iya.
Anak niang, Nazri Ahmad Lai ngarika sida sebilik meri terima kasih laban seruran nyukung enggau besampi ungkup sida.
