ARTIKEL

Fakulti ngajar MA63 deka negap integrasyen nasional

Facebook
Twitter
LinkedIn
WhatsApp
Telegram

KUCHING: Pengawa numbuh sebuah fakulti ti ngajar pasal Sempekat Malaysia 1963 (MA63) enggau Hak Tanah Adat Bansa Asal (NCR) Sarawak diperati nyadi siti pengawa ke chukup engkeman.

Pengelicha Program Sejarah Politik enggau Strategi ari Fakulti Sains Sosial enggau Pekara Mensia, Universiti Kebangsaan Malaysia (UKM), Dr Suffian Mansor madah, nya tau marit nembiak ngambi ngelala agi nengeri tu.

Ku iya, nya mega ulih nyadi inisiatif negapka integrasyen nasional rayat ba menua Malaysia empu.

“Kitai nerima manah pengawa tu, tang patut mungkur semua sejarah nengeri.

“Pengawa tu patut ditambah ti ukai semina dikena ngelala pekara tanah tauka MA63 aja, tang mega meretika sejarah, asal penatai bansa enggau geografi sereta politik Sarawak.

“Pia mega enggau pekara bukai ti malut budaya, etnik, ekonomi, politik enggau geografi ke bisi dalam nengeri tu,” ku iya lebuh dirandau Suara Sarawak.

Dr Suffian nibar ke penemu nya lebuh nyaut tanya pemberita pasal sadang pengawa numbuh sebuah fakulti undang-undang Universiti Malaya (UM) di Sarawak mungkur NCR enggau MA63.

Iya madah, palan pelajar tinggi ti deka nyendiaka pelajar nya ngagai bala nembiak patut ngaul subjek ti mungkur semua.

“Pekara tu tau nambahka pemereti ati bala nembiak pasal gaya Sarawak ba semua pekara enggau ulih nyaup isu ke nyadi kemaya hari baka pekara tanah enggau MA63,” terang iya.

Berindik ari nya, Dr Suffian minta bala staf akademik ti dikaul ila patut ngaul bala pengajar ari Sarawak empu.

“Anak Sarawak patut diambi nyadi staf akasemik kelimpah ari nengeri bukai ngambi pekara pasal Sarawak ulih dikenatai enggau menyana agi,” ku Dr Suffian nyemetak.

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

BERITA TERBARU

Suasana hiba di kediaman Tun Taib

KUCHING: Suasana hiba dan sayu menyelubungi persekitaran kediaman Allahyarham Tun Pehin Sri Abdul Taib Mahmud, petang ini. Keadaan cuaca mendung turut seakan-akan turut berduka dengan