Trending

Fasiliti sekula meruan dikemanah

Facebook
Twitter
WhatsApp
Telegram
E-mel
TERIMA KASIH… Tiong Sii (tengah) nyuaka bantu agih belanja ngagai pengari Kaunsil Pengatur Sekula SMK Tinggi Sarikei ditu, kemari.

SARIKEI: Pengeransing perintah nyeleti fasiliti institusyen pelajar ba Sarawak ulih dipeda nengah pengawa meri agih belanja RM550,000 ngagai Sekula Sekondari (SMK) Tinggi Sarikei.

Nya nyengkaum agih belanja tambah sepenyampau RM100,000 ti dibantai Sapit Menteri Pengeraja Asal, Rampa Menua enggau Ubah Klimet, Datuk Seri Huong Tiong Sii ba sebengkah program malam bepenau SMK Tinggi Sarikei ditu, kemari.

Iya madah, agih belanja nya sebagi ari agih belanja Program Transformasyen Menua Pesisir (RTP) iya empu ti berengkah diagih ba taun 2016 nyentuk diatu.

“Aku gaga laban agih belanja RTP ari Perintah Sarawak mayuh mantu bejalaika projek mit ba sitak Sarikei nyengkaum projek nyeleti fasiliti sekula,” ku iya.

Tiong Sii ti mega ADUN Repok madah, pengawa bejalaika projek nya nyadi bukti penyiru Perintah Sarawak nyendia fasiliti pelajar ti lantang enggau likun ngagai raban sekula.

Nya alai, iya meri jamin deka ngemerat pekara bekaul pelajar ba sitak Repok.

Sekumbang nyadi pengari rayat ba sitak nya, ku iya, pekara pelajar endang seruran dikemeratka iya laban nya pengawa beranakka puku dudi hari kelimpah nyamin tikas pengidup ti manah agi.

“Nya alai, kitai patut ngaku jasa enggau beterima kasih ngagai Premier Sarawak ti megai Perintah Gempung Parti Sarawak (GPS).

“Pengeransing perintah ti betuai ke Premier Sarawak deka nempa nengeri tu lantang enggau maju,” ku iya.

Ba program nya, Tiong Sii bela nyuaka agih belanja Projek Mit Pemansang Menua Pesisir (MRP) sepenyampau RM80,000 ngagai Kaunsil Pengatur Sekula SMK Tinggi Sarikei.

Program nya nyadi aktiviti beguna dikena mandangka penau enggau minat nembiak kelimpah nempa kreativiti sida nengah aktiviti seni.

Suka artikel:

e-Akhbar Suara Sarawak

Berita Berkaitan

E-Paper

27 November 2023

Berita Terbaru