ARTIKEL

SAKSI MATA… Fatimah (empat kanan) ngemataka pengawa nyuaka pangku pengawa nyadi Sekretari Mendam KPWKK ti baru ngagai Felicia (tiga kanan) ba Begunan Baitulmakmur II ditu, tadi.

Felicia Tan dipadu nyadi Sekretari Mendam KPWKK ti baru

Facebook
Twitter
LinkedIn
WhatsApp
Telegram

KUCHING: Datuk Felicia Tan Ya Hua dipadu nyadi Sekretari Mendam Opis Menteri Menteri Pemansang Indu, Nembiak Mit Enggau Pengelantang Komuniti (KPWKK) ti baru.

Felicia mangku pengawa tu berengkah 1 April 2024 nganti ex- Sekretari KPWKK Noriah Ahmad ti pinchin gawa.

Pengawa nyuaka pangku pengawa ngagai Felicia dikemataka Menteri Pemansang Indu, Nembiak Mit Enggau Pengelantang Komuniti Datuk Seri Fatimah Abdullah ba Begunan Baitulmakmur II ditu tadi.

Fatimah lebuh bejaku madahka iya enggau gaga nerima penatai Felicia ngagai opis menteri sida lalu andalka Felicia ulih meri servis ti nyulut dibaruh opis menteri nya.

Felicia udah gawa nyadi Pengereja Pengawa Perintah Nengeri Sarawak (PANS) sepengelama 31 taun.

Iya berengkah ngepunka pengawa nyadi Pegawai Tadbir (SAO) ba Opis Pelilih Menua Sibu ba taun 1993 sepengelama enam taun.
Udah nya, Felicia mindah ngagai Opis Pelilih Menua Betong sepengelama lapan taun lalu iya kala nyadi indu keterubah nyandang pangku pengawa nyadi Pemesai Pelilih Menua Betong sepengelama setaun setengah.

Baca lain  Nembiak sekula diperansang mantai penau ngaga poster enggau logo

Felicia nangkan nya mindah ngagai Opis Residen Sarikei nyadi Sapit Residen Sarikei kena Oktober 2006 lalu gawa dia sepengelama dua taun setengah aja.

Iya udah nya mindah ngagai Opis Residen Sri Aman mangku pangku pengawa nyadi Sapit Residen sepengelama empat taun.

Kena Julai 2013, Felicia dipadu nyadi Sapit Direktor Unit Pematau Pejalai Sarawak (SIMU) sebedau pindah baru ngagai Opis Residen Sarikei mangku pengawa nyadi Residen Bagi Menua Sarikei sepengelama empat taun.

Iya nangkan nya, pulai ngagai SIMU baru kena Disember 2022 lalu mangku pengawa nya sepengelama setaun empat bulan sebedau dipadu nyadi Sekretari KPWKK berengkah 1 April 2024.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

Komersialkan beras premium Ba’kelalan

LAWAS: Penjenamaan semula pembungkusan beras Adan bakal mengangkat nilai tanaman tradisional itu sebagai beras organik premium. Yang di-Pertua Dewan Negara, Senator Datuk Mutang Tagal, berkata

Doyoung NCT sah konsert solo pertama

PENYANYI, Kim Doyoung, 28 dari kumpulan NCT, bersedia mempamerkan persembahan solonya. SM Entertainment menerusi satu kenyataan memaklumkan, Doyoung bakal mengadakan konsert solo pertamanya selepas penerbitan

Kyrgyzstan sekat TikTok

BISHKEK: Wanita muda, Aku Sharsheeva, 22, berasa kecewa apabila gagal mengakses platform TikTok di studio fotografinya di ibu kota Kyrgyzstan minggu ini. “Tiada apa-apa yang