KUCHING: Tiga fokus besai dikelala Kepala Polis Sarawak ke baru, Datuk Aidi Ismail dikena nempa Sarawak nyadi menua ti likun enggau lantang.
Aidi madah, pengawa ngemunas semua bansa penyalah ti mungkur penyalah rama, reta tengkira, sindiket nyengkaum judi enggau dadah patut chakah dipejalai nentuka juluk tu ulih dijapai.
“Nya alai aku minta semua pemesai enggau raban PDRM Kontinjen Sarawak bejalaika pangku pengawa enggau ngulihka penerang ti bisi kualiti kelebih agi bekaul judi enggau dadah ti ngasuh komuniti kemaya hari berasai irau.
“Pengawa tu patut seruran dipejalai dikena nyeliahka peragam enda manah komuniti ngagai penau PDRM ngemunaska penyalah,” ku iya.
Aidi mansutka jaku nya beserimbai enggau Pengerami Bebaris Ngelalu Penatai Kepala Polis Sarawak di IPK Kuching, tadi.
