SUPP ikrar kekal relevan, terus beri khidmat

Trending

Gaga bisi rumah panjai baru

Facebook
Twitter
WhatsApp
Telegram
E-mel
NUANG... Chukpai nuang semin ba sebuah tiang pemun kelai bejadi pengawa ngaga baru rumah panjai nya Blok F Uma Baha Apau Koyan.

BELAGA: Blok F Uma Baha Apau Koyan, Sungai Asap, Belaga ti dituntung penusah angus ba bulan Januari tu tadi deka digaga baru.

Adun Murum, Kennedy Chukpai Ugon madah, tu meh maya iya rumah panjai nya digaga baru laban sida bisi belanja.

Ku iya, belanja nya digumpul Komiti Penyangga Penusah Blok F sereta Komiti Pengelikun enggau Pemansang Kampung Uma Baha ngambi berengkah dipejalai ba renggat keterubah.

“Renggat keterubah ngentak baru rumah panjai tu nyengkaum nirika tiang, langkar pemun enggau masang perabung.

“Taja pen belanja tu enda chukup dikena ngaga penuh Blok F tu tang abis nadai renggat keterubah mujur digaga seraya nganti belanja tambah.

“Renggat keterubah ngaga blok tu udah berengkah dipejalai lalu dientudi ke pengawa ngaga bilik enggau komponen bukai ba rumah panjai tu,” ku iya.

Iya nibar jaku nya ba sebengkah penerang ari Facebook rasmi Palan Servis Komuniti Dun Murum.

Pia mega, Adun Murum nya ngarap projek ngentak rumah panjai baru nya bejalai lanchar.

e-Akhbar Suara Sarawak

Berita Berkaitan

E-Paper

5 Jun 2023

Berita Terbaru