Gaga mayuh agi papan chap Jalai Sibu-Bintulu

SIBU: Opis Kereja Raya enggau Lebuhraya Borneo Utara (LBU) dipinta nambahka agi papan chap sepemanjai Jalai Besai Pan Borneo di jalai Sibu-Bintulu.

Kaban Kunsil Nengeri (Adun) Tamin Ir Christopher Gira Sambang madah, iya udah ngenataika pekara nya ngagai opis bekaul kelebih agi diatu benung musin ujan enggau kemisi sekula.

Ku iya, penyampau orang enggau entukar ti betengahka jalai nya mega deka majak nambah nyentuk ujung taun tu enggau pun taun baru.

“Diatu jalai nya agi bedau tembu tauka benung digaga lalu mayuh endur jalai nya belubang, enda sebela enggau mayuh dipuntang sereta belinguk.

“Tu tau bendar nejuka sida ke deriba entukar enda meda lubang nya laban ngandang ai ketegal ai ujan nyauka ninting hari,” ku iya madah ngagai Suara Sarawak tadi.

Nya alai Gira ngarapka pemisi papan chap ti diengkah sepanjai nya nya tau endar ngasuh mensia mayuh ti nengah jalai nya seruran betatika pengelikun diri.

Suara Sarawak