ARTIKEL

Gaga pelin strategik mutar penusah bah di Sibu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Pelilih Sibu begunaka pelin timpuh panjai ke strategik agi dikena mutarka penusah bah ke suah nyadi ku Adun Dudong Datuk Seri Tiong King Sing.

Ku iya, kebuah pia laban chara baka ngemanah sistem parit nya semina chara sementara aja.

Ku Tiong, pelin besai baka ngerasi Sungai Rajang enggau Sungai Igan mesti dipejalai lengkas.

“Sekeda sitak baka Dudong, Stabau, Sentosa enggau Jalai Salim suah napi penusah bah tunggal ngujungka peranak dia enda ulih mindah sereta napi pengerugi.

“Nya kebuah, udah datai maya kitai mutarka penusah tu enggau manah baka ubat ke engkeman nyumanka penyakit, ukai semina nyumanka kelai penyakit aja,” terang iya ba Facebook, ditu kemari.

Ngelansa silik, Tiong ngarapka ejensi bekaul chakah mutarka penusah bah tunggal tu.

Ku iya, tikas ai ke niki ba sitak tu mesti dikerandau enggau Opis Parit enggau Entali Sibu sereta Kaunsil Sungai Sarawak.

“Pegawai ti beempu tanggung pengawa mesti ngemeratka pengawa ngemanah inisiatif mutarka penusah bah ba sitak tub aka ngelala endur ke mesti dikemanah enggau lengkas.

“Strategi timpuh panjai enggau perambu ungkup 15 ngagai 20 taun ke deka datai beguna amat dikena mutarka penusah bah di Sibu,” ku iya.

Ku iya, pelin besai ke semitan mega ulih mutarka pemansang ke majak nyadi enggau peranak ke majak nambah di Sibu.

Nangkan nya, Tiong nyemetak madah, peranak di Sentosa, Salim, Durin enggau sitak bukai ari ruang bilik bepenatai pemisi baruh mesti dibantu.

“Opis perintah mesti meri perati ba pengawa ngemanah parit mit ngagai parit semin ke besai agi ngambi napi tikas ai ke nambah ngenyit.

“Penanggul ditapi peranak ditu mesti diputar ngambi nyaga sida ari penusah bah tunggal ke deka nating belanja enggau pengerai ngagai ruang bilik ke tusah enggau mega pekara ekonomi,” terang Tiong.

BERITA LAIN

Pemansang asil nagih MA63

MIRI: Pemansang besai ti udah dijapai Sarawak kandang beberapa taun ke udah asil ari nagih hak di baruh Sempekat Malaysia 1963 (MA63). Kaban Kunsil Nengeri

Solar melepung HEP Batang Ai

BATANG AI: Projek ladang solar melepung diu Tekat Hidroelektrik (HEP) Batang Ai deka dikerembai, ngena 60 peratus ari 8,500 hektar pemesai tekat ai nya. Premier

Graduet meseti bisi pengelandik

KUCHING: Sapit Menteri Pelajar, Inovasyen enggau Pemansang Penau, Datuk Dr Annuar Rapaee nyemetak madah ke pengelandik diri beguna endar ngagai bala graduet kelebih agi ba

IPTN agi dikerandau enggau KPT

KUCHING: Pengawa numbuhka Palan Pelajar Tinggi Nengeri (IPTN) agi dikerandau ba renggat Opis Menteri Pelajar Tinggi (KPT). Sapit Menteri Pelajar, Inovasyen enggau Pemansang Penau, Datuk

Semilan PATI diburu pulai

KUCHING: Soldadu Darat Malaysia (TDM) mujur nagang semilan kampar (PATI) ari Indonesia ari tama ke menua tu di Biawak, Lundu kemari. Markas 1 Divisyen ba

BERITA TERBARU