ARTIKEL

ABANG JOHARI TUN OPENG

Gaji niki nipakka inflasyen

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika gaji nya nadai meri pemaik.

Premier Sarawak, Datuk Patinggi Tan Sri Abang Johari Tun Openg madah, pekara tu begunaka siti makanisme dikena nagang inflasyen ti nyadi ba menua.

“Nikika gaji tang enda nagang tikas inflasyen enggau manah semina deka ngasuh kuasa beli mengkang sebaka, lalu nya enda deka meri pemaik ngagai bala pengereja.

“Nya alai, Perintah Besai kelebih agi Bank Negara enggau Opis Menteri Pekara Wang patut meda empas nikika gaji ngagai pejalai pekara belanja dalam makit enggau netapka tikas rega barang niki nya ngambi sebela,” ku iya.

Abang Johari bejaku munyi nya lebuh ditanya pemberita pengudah bejadi Malaysia Book of Record (MBOR): Gempuru Pemadu Besai Rayat Ngena Pekayan Asal Pupu Raban Bansa enggau Betanda di Waterfront Kuching, ditu kemari.

Ensanus, Menteri Ekonomi Rafizi Ramli madahka perambu Turu Nembiak Serakup Bansa Beserakup (UNICEF) ngambi tikas gaji minimum ditetapka RM2,102 sebulan enti dibanding RM1,500 diatu deka diperunding perintah.

Ku Rafizi, nitihka pelasar nya pengawa Perintah MADANI mutarka kos pengidup rayat endang deka dipeda ngagai penatai pemisi rayat.

Perambu nya sigi diterima tang ku Abang Johari, atur nikika gaji nya patut dipeda engkeman enggau pengulih pekara belanja menua.

Iya madah, isu nikika gaji nya deka nyungkak agi ekonomi nengah belanja domestik ti nambah.

“Pekara ti pemadu beguna iya nya nyema gaji niki ekonomi menua mega deka nambah.

“Tang penanggul pemadu besai ti patut ditagang iya nya tikas inflasyen,” ku iya.

Abang Johari mega madah, sebedau tu Perintah Sarawak mega benung bejalaika tungkap tikas gaji minimum di nengeri tu empu.

“Aku udah madah ngagai Sekretari Perintah Sarawak, Datuk Amar Mohamad Abu Bakar Marzuki beratika pekara tu.

“Tungkap nya ungkup nentuka atur nikika gaji nya engkeman enggau tambah produktiviti pengawa,” ku iya.

Nya alai, ku iya, Perintah Sarawak balat betatika pemansang bakat nengah Strategi Pemansang Pengudah COVID-19 (PCDS) 2030.

Ku iya, pemansang penau nya nyadi kunchi pemadu besai ngagai bayar gaji.

“Nadai penau, nadai bayar ti tinggi, nya kebuah kitai ngemeratka pemansang ba penau nentuka pengereja pengawa nya nerima gaji ti tinggi agi,” ku iya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU