ARTIKEL

NEMPA RIKOD BARU… Abang Johari (tengah) begulai enggau Karim (dua kiba) sereta Dr. John Chan (kanan) ngemata pengawa nyuaka setipikit MBOR ari Menijar Opis, Lee Pooi Leng (tiga kiba) enggau Sapit Menijar (Akaun), Nazrul Hafizi (kiba) ngagai Hilmy Othman (dua kanan). -GAMBAR RAMIDI SUBARI.

Gempuru besai etnik Sarawak masuk Malaysia Book Of Records (MBOR)

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sepenyampau 1,245 penyereta nurai sejarah laban mujur begempuru ngena pekayan asal pupu raban bansa sereta diaku Malaysia Book Of Records (MBOR) kemari.

Setipikit MBOR udah disua ngagai Gabenor Pelilih Antarabansa Rotary 3310 (Sarawak), Dr John Chan, ti mega nyadi Chairman Pengatur Program nya nengah kerejasama enggau Dewan Bandaraya Kuching Utara (DBKU) ba Waterfront Kuching ditu, kemari.

Premier Sarawak, Datuk Patinggi Tan Sri Abang Johari Tun Openg lebuh bejaku madahka diri chukup gaga sereta temegah meda penyerakup rayat pupu bansa di Sarawak begulai manah enggau pangan diri.

“Tu siti basa ngagai Sarawak kelebih agi lebuh kitai ngena pakayan asal ti nyereminka pengaya bansa enggau main asal di menua tu.
“Aku deka meri terima kasih ngagai Dr. John Chan enggau Datuk Bandar Kuching Utara, Hilmy Othman laban udah ngatur pengerami sehari tu,” ku iya.

Abang Johari bejaku munyi nya rambau bejadi Malaysia Book of Record (MBOR): Gempuru Besai Rayat Ngena Pekayan Asal Pupu Raban Bansa enggau Betanda di Waterfront Kuching, ditu kemari.

Berebak enggau nya, Hilmy madah, program nya meransang mensia mayuh sama bebasa enggau ngasaika penyelai pupu raban bansa bukai ti bisi di Sarawak.

“Hari tu mega chukup manah laban kitai udah seati nurai sejarah nyadi penyereta pemadu mayuh ngena pekayan asal enggau betanda dalam rikod MBOR.

“Aku meri terima kasih ngagai Rotary Club of Kuching laban naka ulih negutka kaul penyerakup enggau bebasaka main asal bansa,” ku iya.

Rambau program nya, setipikit mechah rikod udah disua pengatur opis MBOR ngagai Dr. Chan enggau Hilmy.

Pengawa tu dirami lalu ngemataka bala penyereta betanda nunda rentak lagu ti pemadu tebilang di menua tu iya nya Bekikis Bulu Betis.

Sama bisi datai Menteri Dagang Temuai, Industri Kreatif enggau Seni Pemerindang, Datuk Seri Abdul Karim Rahman Hamzah sereta bala bukai.

SAMA BETANDA… Abang Johari (dua kiba) enggau Karim (kiba), Dr John Chan (dua kanan) sereta Hilmy Othman (kanan) sama betanda poco-poco begulai enggau 1,245 penyereta ti ngerasuk pekayan asal. -GAMBAR RAMIDI SUBARI
TEMEGAH… Bala penyereta temegah ulih ngerasuk pekayan asal seraya betanda pengudah nempa rikod baru MBOR. -GAMBAR RAMIDI SUBARI

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU