ARTIKEL

Genap agih belanja meseti bisi bukti

Facebook
Twitter
LinkedIn
WhatsApp
Telegram

SIBU: Genap agih belanja dikeluarka Kaban Kunsil Nengeri (ADUN) Dudong, Datuk Seri Tiong King Sing ngagai rayat meseti disempulang bukti ti nunjukka agih belanja nya dikena.

Chairman Parti Demokratik Progresif (PDP) Bagi Menua Dudong, Kaunsilor Datuk Teo Boon Siew madah, sebarang peminta pengudah nya deka ditulak enti nadai sebarang bukti dibantai ngagai opis Tiong.

“Enti kita mantaika peminta ngemanahka dapur, kita patut ngena agih belanja tu dikena ngemanahka dapur kita.

“Kita patut meri gambar sebedau enggau pengudah sereta semua penerang bekaul agih belanja ti diguna,” ku iya.

Teo mansutka jaku nya rambau nyuaka chek agih belanja ngagai 17 gerempung ukai dikuasa perintah (NGO) ba Palan Servis ADUN Dudong ditu, kemari.

Iya madah, genap ujung taun, bala audit deka mansik semua agih belanja ti diberi palan servis nya.

“Enti kita nadai meri sebarang penerang enggau transaksyen ngagai kami, dudi hari ila, sebarang peminta kita ngagai kami deka ditulak,” ku iya nyemetak.

Teo ngelalau rayat ngena agih belanja nya nitih pekara ti dipinta sida.

“Tentu ke kita ngena agih belanja tu enggau engkeman.

Anang ngena agih belanja tu dikena bejalaika pengawa bukai laban kita patut mantaika semua transaksyen bekaul agih belanja tu ila,” ku iya.

Iya madah baru, taja pen Tiong enda datai ba pengawa nyuaka chek nya ketegal kiruh bejalaika pengawa tang iya tetap bejalaika pangku pengawa diri ngagai rayat.

LAIN-LAIN BERITA

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

Dua ruang bilik kurang penatai pemisi dibantu

MIRI: Komuniti Mit Ngintu Pengelantang, Pengerai enggau Komuniti Bulan Sabit Merah Malaysia (MRC) Pampang Miri udah ngabas dua buah ruang bilik ti kurang penatai pemisi

Penyalah komersial majak nambah

SIBU: Siti penyalah ti ngirau ke ati ba jeman tu iya nya penyalah komersial tauka penyalah nipu mungkur pengerugi beribu ringgit enggau bisi nyentuk bejuta

BERITA TERBARU