ARTIKEL

KHIRUDIN DRAHMAN

Genap rumah ba Sarawak deka disikap ngena perengka nyidi api

Facebook
Twitter
LinkedIn
WhatsApp
Telegram

KUCHING: Direktor Bomba enggau Penyah Penusah Malaysia (JBPM) Sarawak, Datuk Khirudin Drahman nerima manah perambu Perintah Sarawak nyendia perengka nyidi api ba genap rumah ba nengeri tu.

Iya madah, pengawa masang perengka nya udah mantu ngurang pengerugi reta tengkira enggau nyawa ba mayuh kes penusah angus.

“Komuniti patut sedar lalu meda inisiatif tu ari sukut ti manah laban pengawa masang tumu perengka nyidi enggau ngerara api beguna amat dikena nagang enggau ngerara api ngambi enda nyerarai ke bukai.

“Ba mayuh kes penusah angus, pengempu rumah ngena perengka tu ngerara api sebedau nyerarai ke bukai lalu ulih nyelamat reta tengkira enggau nyawa.

“Nya kebuah pengawa masang tumu perengka nyidi api tu beguna amat,” ku iya.

Khirudin madah, penusah angus ti nyadi kemaya hari tu chukup jampat nyerarai ke bukai urung tiga tauka empat minit aja.

Terang iya, pekara nya berebak ari kereban ti muntang angus sereta ulih ngeluar asap lalu angus.

Baca lain  Produk ekodagang temuai S'wak

“Asap nya ulih ngeruga pengelikun lalu nya kebuah beguna amat penyedar bekaul pekara tu laban semua kitai ngesan pangku pengawa besai nyelamatka nyawa, reta tengkira enggau rampa menua,” ku iya.

Iya nyemetak madah, nya endang pangku pengawa semua komuniti lalu ukai semina perintah enggau raban bekaul aja.

Penyedar komuniti bekaul pemanah enggau pemaik ari program baka tu deka terus dikemerat.

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU