ARTIKEL

Gerija St. Luke deka ngatur pengawa sembiang chara online

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIMANGGANG: Gerija St. Luke, Sri Aman sebaka enggau rumah sembiang ke bukai enda tinggal ari napi pangka pengerekai pandemik Covid 19.

Nitihka penerang ari gerija tu, dia mayuh program gerija tejanggal ketegal Atur Mindah Betagang (PKP) kelimpah ari adat Darurat ke deka disambung berengkah 2 Ogos nyentuk 2 Febuari 2022.

“Entara pengawa ke ditagang ketegal nangika pengerekai Covid-19 tu iya nya ngundang penatai peranak rumah panjai. Nya alai, diatu Gerija St. Luke deka bejalaika inisiatif nitihka ubah pemansang teknologi iya nya deka ngatur pengawa sembiang chara online.

“Diatu, gerija udah numbuhka Komiti Multimedia dikena ngemujurka pengawa tu,” ku tandu penerang nya.

Berebak enggau nya, Archdeacon Jackson meri besai terima kasih ngagai Revd. Rodriguez enggau Boniface Manggie laban udah nyanggup diri ngemujurka inisiatif baru nya.

“Tuju kitai iya nya dikena meransang raban ke dipegai Gerija St. Luke. Sebedau tu mensia mayuh bela bisi ngambi bagi besembiang nengah chara ‘Live Streaming’ ke diatur gerija bukai ninting Hari Minggu.

“Pengawa besembiang nengah chara online nya deka dikemujurka ngena pelasar media rama,” ku penerang nya.

Ungkup penemu, Gerija St Luke enti enda dikeruga Covid-19 ulih muat urung 800 iku raban Kristian Anglican besembiang. Begunan gerija chukup manah sereta moden tembu digaga taun 2011 pengudah dituntung penusah angus kena 15 Disember 2002.

BERITA LAIN

BERITA TERBARU