ARTIKEL

UNGKUP PENGINGAT… Raban ari Gerija Tuhan, PBSM Pampang Tamping, BMC enggau Opis Pnegerai Kuching begambar bebala mayuh pengudah kimpin meri darah.

Gerija Tuhan chakah bejalaika pengawa volunteer dikena mantu komuniti

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Mensia mayuh diperansang terus meri darah dikena nentu pesakit raya ulih diselamat ba jam ti engkeman.

Siku ari raban Gerija Tuhan madahka sida meri perati ngagai penanggul suntuk bekal darah ti agi bedau nerima timbal ti ngemantupka ati ari mensia mayuh.

“Penyereta ti meri darah ba program tu enda nyalah baka pengasih Kristus ti meri nyawa diri dikena nyelamatka mensia.

“Sida sanggup meri darah dikena mantu enggau nyelamat bala pesakit ti beguna darah,” ku iya.

Mandal Direktor Gerempung Anak Bulan Mirah (PBSM) Kuching, Jimmy Chai madahka diri gaga meda semangat bala penyereta meri darah.

“Kaban gerija tu ukai semina chakah meri darah tang sida meransang mensia mayuh ngambi bagi ba program meri darah tu,” ku iya ba sebengkah penerang tadi.

Nangkan nya, pengari Opis Pengerai Bagi Menua Kuching, Dr Caroline bela nyukung program volunteer nya ti diatur Gerija Tuhan.

“Gerija Tuhan ukai semina bejalaika program volunteer tu ba Kuching aja tang ba selampur menua.

“Ulah baka tu chukup negu ati aku,” ku iya.

PBSM Kuching Pampang Stamping nengah kerejasama Emart Moyan naka ulih merambu enggau nyendia langkar program sereta nyendia palan ti lantang ungkup bala penyereta dikena ngemujurka kimpin meri darah nya.

Pia mega, Borneo Medical Centre (BMC) bela bejalaika pengawa meresa pengerai enggau ngambi darah lalu kaban Gerija Tuhan nyendia servis ngembing ba pekara bekaul pejalai pengawa beperesa.

Kena 7 April tu tadi, nya kimpin meri darah ti diatur seretai ba tiga palan baka Miri, Kuching enggau Kota Kinabalu, Sabah nya kimpin ke-1319 diatur sida.

Kimpin meri darah nya diatur ba Emart Moyan, Kuching berengkah ari pukul 10 pagi nyentuk 1 lemai sereta mujur ngumpul 13,600 mililiter (ml) darah.

Pemayuh darah ti mujur digumpul ba ketetiga palan nya manggai 55,200 ml.

BERITA LAIN

BERITA TERBARU