ARTIKEL

UDAH DIJUAL… Direktor Eksekutif Julien's Auctions, Martin J Nolan nunjukka gitar dipenggi John Lennon ti dipandang di New York.

Gitar John Lennon dijual berega RM13.6 juta

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

NEW YORK: Sebuah gitar ti ditemu empai lama ti dikena raban Beatles, John Lennon ngerikod lagu ba taun 1960-an sebedau tu diripotka lenyau mujur dijual berega AS$2.9 juta (RM13.6 juta).

Julien’s Auctions bepalan di Los Angeles madah, asil nya pemadu tinggi ba sejarang ngelelong barang ari raban Beatles.

Gitar akustik 12 tali nya dikena maya ngerikod album enggau filem Beatles, Help! Ba taun 1965 enggau Rubber Soul enda kala dipeda tauka dikena pengelama lebih 50 taun.

Kereban muzik nya dikembuan pemain gitar Scotland, Gordan Waller ke mega raban pop, Peter and Gordan.

Udah nya, Peter nyerahka gitar nya ngagai menijar raban nya.

Bepuluh taun udah nya, pengempu baru sebuah rumah di ulu Britain tetemuka gitar nya ba dalam rumah enggau ngaga pemutus nyual gitar nya.

Sebedau tu, pakar melaba gitar nya berega entara AS$620,000 enggau AS$823,000 (RM2.9 ngagai RM3.8 juta).

Gitar nya dibeli orang nengah kangau telefon di Hard Rock Cafe New York, Hari Tiga nyin tadi.

Pengawa ngelelong nya sebagi ari pengawa bejual dua hari ikon muzik ari Julien’s Actions.

Tuai eksekutif serikat nya, David Goodman madah, gitar nya lambang legasi John Lennon.

“Kami gagit nyapai rikod dunya nengah pengawa nyual gitar Hootenanny dipenggi John Lennon tu.

“Gitar tu ukai semina barang besejarah ba dunya muzik tang mega nyadi lambang legasi John Lennon.

“Pengawa bejual sehari tu nyadi bukti penaluk peminat ngagai Beatles enggau John Lennon,” terang iya.

Gitar nya digaga serikat Bavaria Framus ba pun taun 1960-an enggau kala dikena dalam filem Help! Lebuh raban nya nebah lagu You’ve Got to Hide Your Love Away.

Nya mega dikena lebuh rikoding lagu It’s Only Love enggau I’ve Just Seen a Face and Girl.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP