Gold Award ngangkat nama menua

KUCHING: Video Why Limit Yourself mujur bulih Gold Award ba kategori Marketing Media – Travel Video ungkup Pacific Asia Travel Association (Pata) Awards 2019 kena 19 September tu tadi di Palan Aum Nur-Sultan, Kazakhstan.

Menteri Dagang Temuai, Seni enggau Main Asal Datuk Abdul Karim madahka video nya deka dikena ngelakuka dagang temuai menua tu.

“Video tu udah narit ati akim ba renggat entarabansa ti ngayanka pemanah rampa menua Sarawak.

“Tu sebagi ari chara ti manah dikena ngelakuka dagang temuai kelimpah ngangkatka nama menua tu ngagai selampur dunya,” ku iya nerang.

Abdul Karim madah munyi nya ba pengawa nyuaka Pata Gold Award ngagai Kaunsil Dagang Temuai Sarawak (STB) ba Ringkat 7, Begunan Baitulmakmur ditu, kemari.

TEMEGAH… Abdul Karim (tengah) nyuaka piala Pata Gold Award 2019 ngagai Sharzede seraya disempulang pengari STB ke bukai ba bilik aum Ringkat 7, Baitulmakmur ditu, kemari-GAMBAR RAMIDI SUBARI.

Suara Sarawak