GP BinLaden, Raja Sungai Regata Kalaka 2019

SARATOK: Tim GP BinLaden plate lumur 39 mujur ngempu gelar Raja Sungai pengudah dipadu nyadi champion Tropi Regata Kalaka 2019 ba pekit lumba perau.

Ba pekit kepenudi sakai 30 bekayuh lelaki Tim GP BinLaden ngambi penuduk Tim PBB Seri Sarawak ba Regata Saratok taun 2017 suba.

Ketuai Tim GP BinLaden,Hj.Azlan Hj Hassan 42,madahka sida balat napi penanggul ba senentang pejalai arus ai Sungai Krian ti enda menuku sepemanjai dua hari lumba sebedau tu.

“Puji Tuhan, semua penanggul ti datai nuntung ulih diputarka kami sebuat asil ari kerejasama semua bala bakih Tim GP BinLaden.

“Kami mega nadai nyangka diri ulih menggi gelar Raja Sungai sekalitu laban tim bukai ke dilaban kami endang sigi tim ti kuat sereta tebilang nama magang.”ku iya lebuh dirandau pemberita pengudah tembu lumba sakai 30 ba Tebingan Sungai Krian, pagi tadi.