GPS bebasaka pemutus Agong

MIRI: Gempung Parti Sarawak (GPS) deka dulu agi ngemeratka rayat Sarawak lebuh politik benung angat diatu, ku Kepala Menteri Datuk Patinggi Abang Johari Tun Openg.

Iya meri jamin, sebarang pemutus digaga Perintah Sarawak endang berundingka pengelantang menua Malaysia sereta enda nejuka pengelantang Sarawak.

“Pekara patut diperati kitai iya nya penegap politik ti tau mai menua Malaysia mansang ke mua.

Abang Johari mansutka jaku nya rambau aum pemberita pengudah Pengerami Pesan Besai Integriti (MAPI20): Integriti Peransang Pemansang ba sebuah hotel tebilang ditu tadi.

Ku iya, GPS deka nurutka sebarang pemutus digaga Yang di-Pertuan Agong Al-Sultan Abdullah Ri’ayatuddin Al-Mustafa Billah Shah lebuh mutarka pekara ke nyadi diatu bepelasarka Artikel 40 (2) (a) dan ), Perkara 43 (2) (a) enggau Perkara 55 (2) dibacha begulai baka ti udah bisi ba Konstitusyen Perintah Besai.

Suara Sarawak