“Taja belanja JKKK ari Perintah Besai deka diketu, tang kita anang irau laban kitai ulih ngintu menua kitai empu lalu ngatika diri.”

KUCHING: Komiti Pemansang enggau Pengelikun Genturung Pendiau (JKKK) dikearap sama begempung sereta chakah ngatur pengawa ngambika terus beserakup.

Sapit Kepala Menteri ti mega Menteri Betanam Betupi, Tanah Adat enggau Pemansang Datuk Amar Douglas Uggah Embas madahka Perintah Sarawak dibaruh iring Gempung Parti Sarawak (GPS) naka ulih meri sukung ngagai JKKK di menua tu.

“GPS deka terus meri sukung sereta mantu negapka JKKK di Sarawak ngambika semua pengawa ti diatur kita teulihka pemujur.

“Taja belanja JKKK ari Perintah Besai deka diketu, tang kita anang irau laban kitai ulih ngintu menua kitai empu lalu ngatika diri,” ku iya.

Uggah bejaku munyi nya lebuh nyadi temuai dipebasa ba Pengerami Makai Lemai Ngumpul Belanja JKKK Taman Malihah Fasa 1 enggau Taman Malihah 2 di Palan Aum Penview (PCC) Demak ditu, malam tadi. ruai-091119-uggah fund raising-