GPS kediri, enda miak ngagai sebarang parti di Semenanjung

SIBU: Gempung Parti Sarawak (GPS) deka ngaga pemutus sekalika pulai baru ngagai gempung politik menua maya udah bisi pematut ungkup pemaik menua.

Tang kenu ku Presiden iya Datuk Patinggi Abang Johari Tun Openg, pekara tu deka digaga pengudah pansik enggau deka bejimat.

“Diatu mayuh amat cherita. Bisi orang deka nukar Menteri Besai lumur lapan, ila bisi Menteri Besai lumur semilan, ila bisi lumur 10. Tu lumur lapan. Nyadi…dia seduai iya (Tun Mahathir Mohammad enggau Datuk Seri Anwar Ibrahim) nyebut GPS nyukung sida. Seduai iya bela deka nyadi Menteri Besai lalu madah GPS nyukung sida.

“Diatu, baru sida nemu guna GPS. Tang aku madah ke kita, kitai ngemeratka Sarawak,” ku iya rambau Pengerami Makai Lemai Chap Goh Mei diatur ba Dewan Suarah Sibu, ensana.

Kenu ku iya, GPS ngati kediri sereta enda miak ngagai sebarang parti ari Semenanjung Malaysia.

“Tang maya udah datai maya ke pemaik menua, nyadi jemah kitai deka ngaga pemutus.

“Kami patut ngaga pemutus ke betul pengudah mansik enggau bejimat,” ku iya.

Tandu iya, seagi iya dalam GPS, iya deka negika pemaik Sarawak sebedau ngemeratka orang bukai.

“Nama pekara ke beratu kitai patut negapka diri empu,” ku tandu iya.

Suara Sarawak