ARTIKEL

ALEXANDER NANTA LINGGI

GPS merambu numbuh empat penuduk DUN baru

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Empat penuduk Sitak Kunsil Nengeri (DUN) baru diperambu Gempung Parti Sarawak (GPS) ngaul tiga sitak Parlimen iya nya Kanowit, Kapit enggau Ulu Rejang.

Ku Sekretari Besai GPS, Datuk Seri Alexander Nanta Linggi, pekara nya udah beberapa kali dikerandau ka bala pengari GPS.

“Kami setujuka empat penuduk DUN baru deka diperambu.

“Tiga sitak parlimen (Kanowit, Kapit enggau Ulu Rejang) bisi sitak ke chukup besai.

“Nya alai diperambu empat penuduk baru ba sitak tu ila,” terang iya.

Nanta bejaku munyi nya lebuh dirandau pemberita pengudah ngulu Program Tuai Begulai Enggau Rayat sereta Ngelancharka Projek Anak Iru Kampung Madani di Rumah Panjai Nanga Engkuah, kemari.

Taja pia ku iya, pemutus kepenudi endang dilempai ngagai Komiti Besai Pengawa Bepilih (SPR).

Iya madah baru, Menteri Kereja Raya enggau Kaban Parlimen Kapit nya madah, randau mega bisi ngenang pasal pemesai menua ba sitak Parlimen Parlimen Kanowit, Kapit enggau Ulu Rejang sereta penyampau tubuh peranak dia.

“Enti penuduk baru udah bisi, kami ngarapka sida ti dipilih nyadi pengari rayat deka meri servis pemadu manah ngagai peranak dia,” ku iya.

Empai lama, Premier Sarawak ke mega Chairman GPS, Datuk Patinggi Tan Sri Abang Johari Tun Openg madah Sarawak benung berundingka beratika baru penuduk DUN taun tu.

Iya madah ke perambu nya nyengkaum numbuhka penuduk DUN ngena demografi begulai nentuka pengari ari mayuh raban bansa.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU