KUCHING: Chairman Gempung Parti Sarawak (GPS) Datuk Patinggi Abang Johari Tun Openg ngelempai ngagai Yang Di-Pertuan Agong al-Sultan Abdullah Ri’ayatuddin al-Mustafa Billah Shah ngaga pemutus nyiri Menteri Besai baru nukar Tan Sri Muhyiddin Yassin.
Abang Johari ke mega Kepala Menteri mansutka jaku nya pengudah Pengawa Nasih Tanah Opis Koporat LAKU Sitak Miri, ditu tadi.
Politik menua charut beduduk ari Muhyiddin ningkilka diri nyadi Menteri Besai Kelapan dua hari ke udah pengudah lenyau majoriti ari Kaban Parlimen enggau perambu kerejasama bipartisan ke enda disukung parti politik.
GPS datai ari gempung empat parti menua Sarawak; Parti Pesaka Bumiputera Bersatu (PBB), Parti Sa’ati Rayat Sarawak (SUPP), Parti Rakyat Sarawak (PRS) enggau Parti Demokratik Progresif (PDP) bisi 18 penuduk Parlimen.
Ari penyampau nya, PBB bisi 13 penuduk seraya PRS enggau PDP bela bisi dua penuduk enggau SUPP siti penuduk.
Dulu ari nya, GPS udah berandau enggau Agong nengah online, pukul 1.40 lemai Hari Dua tu tadi.
