ARTIKEL

GPS seati nyukung pemutus digaga Muhyiddin

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak deka nyukung pemutus Menteri Besai Menteri Tan Sri Muhyiddin Yassin enti nya ungkup pemaik rayat enggau menua tu, ku Mandal Presiden Parti Pesaka Bumiputera Bersatu (PBB) Datuk Sri Dr Stephen Rundi.

Ku iya, pekara pemadu beguna diatu nya Gempung Parti Sarawak (GPS) tetap seati enggau nyukung perintah ke ulih negapka menua.

“Batang tuju GPS nya nentuka Malaysia terus nyadi perintah ti tegap ba Asia Tenggara lalu nya mih pekara pemadu beguna.

“Nya kebuah, kami deka nyukung sebarang pemutus digaga Menteri Besai enti pengawa nya ungkup pemaik rayat enggau menua tu,” terang iya.

Rundi ke mega Menteri Utiliti mansutka jaku nya pengudah pejalai ngabas seraya gawa ba Palan Meri Vaksin (PPV) Mydin Petra Jaya, ditu kemari.

Rundi madah munyi nya lebuh ngelansa pasal Datuk Seri Ismail Sabri Yaakob dichiri nyadi Sapit Menteri Besai enggau Datuk Seri Hishammuddin Tun Hussein nyadi Menteri Kanan Luar Negeri ke mega ngetuaika Kluster Pengelikun.

“Kami ba GPS mesti terus seati enggau nyukung perintah ke mai menua tu tegap lalu kami enda irauka penyarut politik ke nyadi di Semenanjung,” terang iya.

Kena Hari Tiga tu tadi, penerang media ari Opis Menteri Besai madahka Muhyiddin nyiri Datuk Seri Ismail Sabri Yaakob nyadi Sapit Menteri Besai lalu mengkang megai portfolio Menteri Nyaga Menua.

Ku penerang nya, pengawa nyiri nya dikearap ulih nyaup Menteri Besai ngaduka pengawa enggau nangkup utai diguna rayat maya menua napi penanggul pengerai enggau ekonomi diatu.

Datuk Seri Hishammuddin Tun Hussein mega dichiri nyadi Menteri Kanan Luar Negeri lalu iya deka ngetuai Kluster Pengelikun ke sebedau tu diketuai Ismail Sabri.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU