Graduet KV Betong ‘laku’

BETONG: Kolej Vokasional (KV) Betong ngemegahka Tanah Kenyalang lebuh graduet sida ba penuduk ketiga pemadu laku ba makit kereja entara semua KV ba Malaysia.

Nitihka Ripot Pengelaku Graduet 2020 ari Opis Menteri Pelajar Malaysia (KPM) kena 16 Februari tu tadi, 130 ari 140 graduet KV Betong udah bulih kereja.

Ripot nya datai ari bala graduet berengkah ari taun 2016 nyentuk 2020.

Tu nunjukka KV Betong nya entata palan pelajar enggau latih pengelandik ke nyulut sereta mujur nempa graduet bepenau enggau nangkup peminta makit kereja menua tu.

Ba penuduk keterubah dalam Malaysia nya KV Kluang ke alai 190 ari 194 graduet udah bulih kereja.

Nangkan nya, KV Pertanian Chenor ba penuduk kedua lalu 96 ari 103 graduet iya udah bulih kereja.

Penuduk keempat enggau kelima nya KV RT Putri enggau KV Segamat.

Suara Sarawak