ARTIKEL

Aum media pengudah ngulu Aum Kaunsil Supreme Parti PBB 2024. - Foto: UKAS

Grid ai nengeri ngangkat pemanah pengawa ngatur bekal ai Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Penatai pemisi Sarawak ti entap kenyau ari empat taun ke udah ngemuntangka infrastruktur ti beguna sereta strategik di nengeri tu seruran ulih diadu manah agi.

Premier Sarawak, Datuk Patinggi Tan Sri Abang Johari Tun Openg madah, nya nyengkaum ngempung sistem bekal ai di selampur nengeri nengah Grid Ai Nengeri tauka ‘Water State Grid’ dikena ngangkat pemanah pengawa ngatur bekal ai di Sarawak.

“Kitai ngarapka nya ulih dipejalai nyentuk taun 2030 lalu kitai deka mekal ‘Water State Grid’ tu enggau ‘state piping system’ ti begunaka agih belanja sepenyampau RM1.0 bilion.”

“Pengawa tu deka dipelanja Perintah Sarawak laban Perintah Besai semina ngungkupka urung RM30 juta aja, ti dipeda aku enda chukup,” ku iya.

Iya madah munyi nya dalam aum media pengudah ngulu Aum Kaunsil Supreme Parti Pesaka Bumiputera Bersatu (PBB) di Indu Opis parti nya di Jalai Bako, kemari.

Berebak enggau nya, Abang Johari madahka pengawa grid nya mega setipak enggau pangku pengawa Kunsil Ai Sarawak ti deka ngemuntangka agi pengawa ngatur pemansut ai selampur.

Sama datai ba aum media, iya nya dua Sapit Premier Sarawak, Datuk Amar Douglas Uggah Embas enggau Datuk Amar Awang Tengah Ali Hasan, Speaker Kunsil Nengeri (DUN) Sarawak, Tan Sri Datuk Amar Mohamad Asfia Awang Nasar, Sapit Menteri Besai, Datuk Seri Fadillah Yusof, Menteri Kereja Raya, Datuk Seri Alexander Nanta Linggi, Menteri Utiliti enggau Telekomunikesyen Sarawak, Datuk Seri Julaihi Narawi sereta Menteri Pelajar, Inovasyen enggau Pemansang Bakat Sarawak, Datuk Seri Roland Sagah Wee Inn.

Sama bisi datai, Menteri Pemansang Indu, Nembiak Mit enggau Pengelantang Komuniti Sarawak, Datuk Seri Fatimah Abdullah, Menteri Dagang Temuai, Industri Kreatif enggau Seni Pemerindang Sarawak, Datuk Seri Abdul Karim Rahman Hamzah, Menteri Pemansang Indu, Ruang Bilik enggau Komuniti, Datuk Seri Nancy Syukri sereta bala kaban parti PBB bukai.

BERITA LAIN

BERITA TERBARU