ARTIKEL

Guna teknologi dikena ngatur program

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

“Tu meh chara pemadu manah dikena nyaga pengerai lalu chara tu mega pemadu manah ngempit kaul enggau komuniti.”

KUCHING: Kaunsil Mengeri Padawan (MPP) dipinta ngena teknologi pemadu baru dalam ngatur program awakka ulih ngenataika polisi perintah ngagai rayat.

Menteri Kaunsil Kandang Menua enggau Pengawa Berumah Datuk Sri Prof Sim Kui Hian madahka lebuh pengerekai Covid-19, pengawa betimpai mua enggau raban komuniti bedau engkeman.

“Nengah bantu teknologi, kitai agi ulih berandau enggau sida. Nya alai aku minta kitai guna mih teknologi pemadu baru lebuh deka ngatur program.

“Tu meh chara pemadu manah dikena nyaga pengerai lalu chara tu mega pemadu manah ngempit kaul enggau komuniti,” ku iya.

Kui Hian bejaku munyi nya rambau bejadika Hari Ngintu MPP ti ke-25 dipanchar terus ba Facebook MPP kemari.
Ku iya, nengah pengelaju internet program komuniti baka aum virtual ulih dipejalaika.

“Aku ngarapka kaunsil kandang menua mega ulih ngena teknologi ti sama bekaul enggau komuniti menua pesisir ba maya ti deka datai.

“Ungkup keterubah tu, kitai ulih ngasuh sida mayar bil karan enggau ai nengah Sarawak Pay.

“Nengah pekara digital tu, sida enda ibuh pansut ari rumah bebayar bil laban semua nya ulih digaga nengah komputer tauka telefon binching aja.

“Aku pecaya ba maya ti deka datai sistem kandang menua ulih digaga nengah online laban nya meh juluk ati Perintah Sarawak meri servis ngagai rayat,” ku iya.

Sama bisi datai Chairman MPP Lo Khere Chiang, Menteri Muda Kaunsil Kandang Menua enggau Pengawa Berumah Datuk Dr Penguang Manggil enggau ke bukai.

BERITA LAIN

BERITA TERBARU