Hari keterubah BSN beoperasyen ba Pasar Pakan

PAKAN: Hari keterubah Bank Simpanan Nasional (BSN) muka kaunter ba Balai Mensia Mayuh Pakan di pelilih Pakan sehari tu nerima penatai beratus iku bala mayuh ari menua besemak.

Taja gaya hari chukup panas tang nya enda nekul sida besun-sun berintai nganti idar diri.

Proterm Chairman Gerempung Pemansang Nembiak Rebak Baru (PNRB) Pakan Julau Jamal Abdulah @ Tedung Chakaw madah, pemutus BSN muka kaunter nya ngelempungka penanggul ke ditapi rayat dia ngelama tu.

“Pia mega terima kasih ngagai perintah ke diatu laban tu endang dianti rayat ditu.

“Tu chara ke engkeman dikena mutarka penanggul rayat laban ngelama tu sida nadai chara bukai enti deka ngaduka pengawa bekaul enggau bank enti enda ngelawa menua bukai,” pia ku iya madah ngagai pengarang berita, tadi.

Nambahka nya, iya mega besetuju chara nya chara ke patut diadu naka ke diatu lalu arap bendar nangkan ke tu ila bank ulih dibuka di pasar Pakan.

“Nyadi ba atur timpuh panjai (jemah), kitai ngarap ari muka kaunter nangkan ke tu ila Pasar Pakan bisi bank. Servis bank tu deka ditampung baru pagila. Berita penuh dalam surat kabar pagila.

Tedung Chakaw