ARTIKEL

Hari Sarawak : Mayuh program manah deka dibantai TVS

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Beserimbai enggau Hari Sarawak kena 22 Julai tu, TVS deka mai mayuh program manah awakka ulih dipeda semua rayat Sarawak enggau Semenanjung Malaysia.

Tuai Pemesai Eksekutif TVS Suhaimi Sulaiman madahka, Hari Sarawak endang hari ti pemadu beguna ngagai rayat menua tu laban hari tu ngenang jasa aki ini kitai kelia ti berambun nyawa ngetanka menua.

“Kami deka mai kita ngingatka hari nya nengah chara ngayanka pengelikun enggau pupu bansa ti bisi di Sarawak.

“Beserimbai enggau Hari Sarawak kami mega bekerejasama enggau stesyen radio RTM, CatsFM, EraFM, enggau WaiFM ke alai semua program deka dipandang terus ba Astro 122 enggau pelasar digital TVS,” ku iya.

Suhaimi nerangka pekara nya ba aum pemberita ke diatur nengah aplikasyen zoom TVS ke diatur, kemari.

Kelimpah ari nya, ku iya sida mega deka ngatur siti program khas Sejahtera Asia pukul 7.30 pagi.

“Dalam program tu kami deka mandangka tanda pupu bansa, anak-anak Sarawak ti ngemegahka menua di serata menua baka sida ti diau ba Bandung Indonesia, Mesir enggau Jongjakarta.

“Sama baka Hari Raya enggau Hari Gawai ti udah, kami mega deka mandangka pemacha berita ngena pekayan tradisional Sarawak maya nya ila,” ku iya.

Tandu Suhaimi, TVS terus deka mandangka mayuh program manah baka ngaul komuniti, ngemanahka kualiti pengidup, semangat belaban enggau berani rayat di Bumi Kenyalang.

“Entara dokumentari ti deka dipandang rambau nya ila Dokumentari Bujang Berani, Dokumentari Above and Beyond enggau Dokumentari Pertiwi Sarawak With Love ti dipilih kami ari program Pitch-It.

“Pia mega, kami deka ngayanka video muzik baka Puteri Santubong, legasyen seni Sejahtera Bumi Sarawak, Sarawakku Sayang enggau Bekikis Bulu Betis ari Ricky Andrewson.

“Dalam program Ghazpirasi kami deka mandangka randau begulai enggau Kepala Menteri Datuk Patinggi Abang Johari Tun Openg,” ku iya.

BERITA LAIN

BERITA TERBARU

Kuching selamat, cantik, pintar

BANDAR raya yang cantik, bersih, tersusun, moden dan lengkap dengan segala kemudahan dan kelengkapan sentiasa menarik untuk dikunjungi. Bergantung pada sumber, senarai bandar raya yang