ARTIKEL

HDA numbuh empat komiti mit ngatur pemansang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Ejensi Pemansang Tanah Tinggi (HDA) setuju numbuhka empat komiti mit dikena nambah enggau ngerumban pejalai bemacham program pemansang sida.

Sapit Premier Sarawak ke mega Chairman HDA, Datuk Amar Douglas Uggah Embas madah komiti nya dibagi ngagai Komiti Mit Infrastruktur, Utiliti enggau Telekomunikasyen, Pelajar, Pengerai enggau Pengelikun, Pemansang Komuniti, Betanam Betupi enggau Dagang Temuai, enggau Nembiak, Lumba enggau Latih Teknikal.

Ku iya, Sapit Menteri ba Opis Premier (Pengereja, Imigresyen enggau Matau Projek) ke mega Kaban Kunsil Nengeri (ADUN) Mulu, Datuk Gerawat Gala deka ngetuaika Komiti Mit Infrastruktur, Utiliti enggau Telekomunikasyen.

“Kaban komiti tu datai ari Opis Menteri Infrastruktur enggau Pemansang Penyangkai Kapal, Opis Menteri Utiliti enggau Telekomunikasyen, Opis Kereja Raya, Opis Tanah enggau Survei, Opis Parit enggau Entali Ai, enggau Opis Bekal Ai Menua Pesisir.

“Kelimpah ari nya, bela dikaul raban ari Kaunsil Multimedia Sarawak, Sarawak Energy Berhad, Residen Miri enggau semua Pegawai Pelilih dalam sitak HDA.

“Pangku pengawa enggau tanggung pengawa sida tu ngelala infrastruktur, utiliti enggau isu sereta pemar telekomunikasyen,” terang iya.

Uggah mansutka pekara nya rambau Aum Kaban Kaunsil HDA ditu kemari.

Iya madah baru, Kaban Parlimen Baram Dato Anyi Ngau deka ngetuaika Komiti Mit Pelajar, Pengerai enggau Pengelikun.

“Sida ngesan tanggung pengawa ngelala isu enggau pemar ba pekara pelajar, pengerai enggau pengelantang.

“Anyi Ngau deka merambu enggau ngelangkar strategi, projek enggau program bekaul sereta nyeraris pengawa enggau tiga opis menteri nengeri, lapan opis enggau ejensi kelimpah Raban Soldadu Malaysia, raban polis enggau Kaunsil Pengelikun Nengeri Sarawak.

“Opis Residen Miri enggau semua opis pelilih kena pegai sitak HDA mega dikaul,” ku iya.

Uggah ngenang silik agi, ADUN Telang Usan Dennis Ngau deka nguluka bala Komiti Mit Pemansang Komuniti, Betanam Betupi enggau Dagang Temuai.

Iya madah ke komiti nya deka ngelala isu enggau pemar ba pengawa betanam betupi, dagang temuai, pengawa dagang enggau beranakka puku.

“Komiti tu mega deka ngelangkar enggau ngaga perambu strategi, pelin pengawa enggau program bekaul sereta deka bekerejasama enggau opis menteri, opis enggau ejensi bekaul,” ku iya.

Ngenang pasal Komiti Mit Latih Nembiak, Lumba enggau Teknikal ku Uggah, komiti nya deka betuaika Residen Miri Jamalie Busri.

“Pangku pengawa iya ngambi ngelala, ngelanggur enggau ngaga strategi enggau pelin pengawa sereta program dikena mutar isu enggau pemar ditapi raban nembiak, pengawa main enggau lumba sereta teknikal,” ku iya nyemetak.

BERITA LAIN

Jasa indai meruan dikenang

KUCHING: Kaunsil Peranak enggau Pemansang Ruang Bilik Menua (LPPKN) udah mujur ngatur Pengerami Hari Indai Renggat Nengeri Sarawak 2024. Bisi 400 indai udah sampal datai

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

New Delhi catat suhu 52.3 darjah Celsius

NEW DELHI: Suhu harian di ibu negara India, New Delhi melonjak ke paras tertinggi sepanjang masa pada Rabu. “Stesen cuaca Mungeshpur di Delhi hari ini

Bernama menangi anugerah laporan berita terbaik

KUALA LUMPUR: Pertubuhan Berita Nasional Malaysia (Bernama) memenangi Anugerah Media Cetak dan Portal Berita (Laporan Berita Terbaik) pada majlis Anugerah Media Agrobank 2024 di sini