ARTIKEL

Hidrogen nyadi alternatif baru

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Hidrogen bisi pengulih nyadi alternatif nyilih bepanggai ngagai diesel ti diatur nyadi isu besai dalam menua berindik ari rega minyak nya niki belabuh kemari.

Premier Sarawak, Datuk Patinggi Tan Sri Abang Johari Tun Openg madah, pengawa ngena kuasa alternatif baru nya dikeandal ulih nyilih diesel enti sema nya ulih dikeluar enggau kos ti baruh agi.

“Giga alternatif nyilih diesel, udah nya enda ibuh subsidi agi… diatu kitai kiruh enggau hidrogen, enti ulih nurunka kos hidrogen, nama kebuah ngena diesel agi.

“Tukar ngagai kuasa bukai lalu ukai nya diesel, chara otomatik penanggul teputar,” ku iya.

Abang Johari mansutka jaku nya ba aum pemberita pengudah bejadika Konvensyen enggau Eksibisyen Hidrogen Gadung Asia Pasifik (APGH) 2024 di Pakan Konvensyen Borneo Kuching (BCCK) ngambi ngenang pasal rega diesel niki di Semenanjung Malaysia tang Sarawak enggau Sabah dikelaung.

Ku Menteri Wang II, Senator Datuk Seri Amir Hamzah Azizan lebuh mantaika pekara nya, rega niki ditetapka RM3.35 seliter iya nya rega makit nadai subsidi nitihka pukul rata bulan Mei 2024 nitih formula Mekanisme Rega Otomatik.

silik, Abang Johari madahka nya dikena ngurangka kos hidrohen, pengawa ngena minyak meseti diketu.

“Nama kebuah kitai bejaku pasal diesel taja kitai bisi hidrogen.

Dikena ngurangka kos hidrogen, anang agi ngena minyak, nya meh chara mutar iya.

“Enti agi baka diatu, agi ngena diesel, rega deka niki enggau minta baru subsidi.

Nama kebuah enda ngena kuasa alternatif ti murah awakka kitai nadai agi ngena diesel,” ku iya nyemetak.

Lebuh bejaku, Abang Johari madah, sekumbang ngepunka pengawa nyerungkai hidrogen nyadi pemansut kuasa beresi ba taun 2017, Sarawak diatu ngembuan loji pemansut hidrogen begulai keterubah enggau stesyen ngisi bahan api nya di Kuching.

Ku iya, loji pemungkal nya ulih ngasilka 130 kilogram (kg) hidrogen tulin ninting hari enggau ulih nyukung sereta ngisi bahan api ungkup lima perengka pengangkut nyengkaum tiga bas enggau dua buah entukar.

“Sedarka pengulih besai hidrogen nyadi bahan api pengangkut ti beresi, aku ngerah Kaunsil Pemansang Ekonomi Sarawak (SEDC) nyerungkai pengawa numbuhka stesyen bemacham bahan api di selampur Sarawak ti nyendiaka hidrogen nyadi bahan api alternatif kelimpah ari petrol enggau diesel.

“Udah tentu hidrogen nyadi bahan api dipilih mensia mayuh dudi hari tang ukai mudah ngasuh mensia mayuh pechaya laban sida udah teleba ngena bahan api konvensional baka petrol enggau diesel ti diasaika kitai likun agi dibanding hidrogen,” terang iya.

Iya mega madah, Sarawak bejalaika sistem Transit Aliran Autonomi (ART) bekuasa hidrogen keterubah di rantau tu iya nya di Kuching seraya nanda ke pemungkal besai pemansang hidrogen Sarawak.

“Aku udah ngerah SEDC nentuka sistem ART ngepunka operasyen abis laun taun 2025.

“Pemujur tu deka ngangkatka Kuching nyadi mengeri keterubah di Asia Tenggara ngena hidrogen ba infrastruktur pengangkut mengeri nyengkaum bas hidrogen ti udah nyendiaka perengka pengangkut ngagai lebih 18,000 maya pengawa nguji dipejalai kenyau ari taun 2020,” terang iya baru.

Sama datai, Sapit Premier Datuk Amar Dr Sim Kui Hian, Speaker Kunsil Nengeri (DUN) Sarawak, Tan Sri Datuk Amar Mohamad Asfia Awang Nasar enggau Chairman Borneo Business Connect ke mega pengatur APGH 2024, Tan Sri Asmat Kamaludin.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Perdana Menteri China akan lawat Malaysia

KUALA LUMPUR: Perdana Menteri China Li Qiang akan mengadakan lawatan rasmi tiga hari ke Malaysia dari Selasa hingga 20 Jun. Ini merupakan lawatan pertamanya ke