ARTIKEL

HORIMYO BUNSHINSHI

Horimyo puh ngerembai ‘tebori’ Jipun

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KELIA di menua Jipun, lebuh tubuh nuan bisi kelingai, nuan deka dikumbai siku orang jai tauka dikumbai orang ‘mafia’.

Tang empas ubah jeman ti majak moden, diatu pengawa kelingai di menua Jipun udah berubah nyadi pengawa ngetanka main asal enggau seni.

Pekara tu bisi dirintai dalam undang-undang menua Jipun ti madahka pengawa bekelingai nya ukai siti pengawa ti salah agi.

Taja pia, pekara tu agi dijaga sereta diteritka perintah sida bepanggai enggau chura sereta pemesai chura ukir ba tubuh.

Menua Jipun ngumbai pengawa bekelingai tu ‘tebori’, lalu ‘tebori’ nya agi digaga nyentuk diatu.

Siku peranak menua Jipun, Horimyo Bunshinshi, 48 madahka runding raban bansa Jipun ngagai ‘kelingai’ udah berubah nipakka pemansang menua diatu.

Ku iya, rayat menua Jipun udah nerima pengawa ngaga ‘tebori’ ba tubuh nya semina dikena nyaga main asal tauka seni ti dikemeran sida ke lama suba.

“Aku empu nyadi siku artis ‘tebori’ iya nya ngaga kelingai tatuk chara lama Jipun ti enda ngena mesin tauka chara moden.

“Aku udah dalam industri tu pengelama 23 taun lalu suah bejalai ngagai serata dunya ngerembai seni ‘tebori’ Jipun.

“Enti suba nyema nuan bisi ‘tebori’ sida deka ngumbai nuan mafia, tang udah ke lama diatu ‘tebori’ diterima nyadi siti ari seni ti patut dijaga,” ku iya lebuh dirandau Suara Sarawak rambau Ekspo Kelingai Antarabansa Kuching 2024 tu tadi.

Horimyo madah baru, orang Jipun kelia mega enggai meda orang ti bisi ukir ba tubuh ketegal sida ngumbai nya orang jai.

“Tang diatu, ‘tebori’ udah nyadi pekara ti nadai nanggul ba menua kami laban perintah udah ngemendarka semua orang ulih ngaga ‘tebori’ ba tubuh.

“Aku udah ngusung mayuh menua ngerembaika ‘tebori’ Jipun ke menua luar laban aku keran deka nyaga seni ukir ti manah sereta nyelai tu,” ku iya.

Ku Harimyo, iya nemu pasal Ekspo Kelingai Antarabansa Kuching 2024 lebuh betemu enggau Boi Skrang di Ekspo Kelingai Antarabansa Mumbai kena bulan Januari tu tadi.

“Boi mai aku datai ke Kuching awakka aku ulih ngaga ‘tebori’ ba tubuh orang.

“Aku ngarapka ‘tebori’ Jipun terus dikelala sereta diterima serata dunya,” ku iya.

RINDU BEKELINGAI… Horimyo benung natuk ukir kelingai ba tubuh siku pengusung ti datai ngagai Ekspo Kelingai Antarabansa Kuching 2024.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU