ARTIKEL

Hotel Marudi nyungkak pemansang dagang temuai

Facebook
Twitter
LinkedIn
WhatsApp
Telegram

MARUDI: Pengawa numbuhka sebuah hotel ba Marudi nyadi sebagi ari pengerembai sektor dagang temuai enggau ekonomi rayat ba utara Sarawak.

Premier Sarawak, Datuk Patinggi Tan Sri Abang Johari Tun Openg madahka perambu numbuhka sebuah hotel dia endang udah lama diatur rambau iya nyadi menteri dagang temuai suba.

“Lebuh aku nyadi menteri dagang temuai suba, kami endang bisi perambu ba sektor servis kelebih agi ba sukut dagang temuai ti nyadi aktiviti ekonomi rayat ba utara Sarawak.

“Tu mega nyadi tuju strategik maya tu suba dikena numbuhka sebuah hotel.

“Lebuh Sultan Pahang enggau Sultan Brunei datai kitu meda Regata Baram, kitai nadai perengkaguna ti meruan endur sida diau ba Marudi taja pen semina sehari aja.

“Nya alai, aku berandau enggau Tun Taib (Tuai Pemegai Menua Sarawak, Tun Pehin Sri Abdul Taib Mahmud) maya nya seraya madahka nama kebuah kitai enda ngaga sebuah hotel ba Marudi,” ku iya.

Abang Johari mansutka jaku nya rambau bejadi pengawa nasih tanah Hotel Marudi ba Balai Suarah Marudi ditu, sehari tu.

Ku iya, hotel baru ba Marudi nya ila deka diaku nyadi hotel tiga bintang ti manah ungkup bala temuai ba menua tu empu enggau temuai ari menua luar diau.

Iya madah, hotel nya beguna laban orang ti datai ke Marudi suah ngiga palan diau sereta palan ti bisi nyendia servis manah ti deka nyadi penatai pemisi rayat ba sitak nya ila.

Berebak enggau nya, Menijar Besai Kaunsil Pemansang Ekonomi Sarawak (SEDC), Datuk Abdul Hadi Abdul Kadir madahka hotel baru nya ila deka digaga ngena elemen moden sereta ukir lama ti nyelai.

Ku iya, hotel nya deka ngembuan 90 buah bilik lalu disikap ngena semua kereban pemun baka wifi, airkond, bilik mandi enggau ti bukai.

“Hotel Marudi nyendia sebuah balai ti besai ti ulih nangkup 300 nyentuk 500 temuai ti ngatur program begempuru tauka pengerami.

“Pengawa ngaga hotel tu deka berengkah ba suku kedua taun 2027 lalu aku andal enti udah tembu ila, hotel tu ulih nyendia pengawa puang ngagai rayat ditu,” ku iya.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

China keluarkan amaran cuaca buruk

BEIJING: Amaran cuaca buruk diumumkan di seluruh kawasan China pada Rabu ketika suhu menjunam di selatan, dengan Beijing kini dalam keadaan bersalji. Pihak berkuasa memperbaharui

KUCHING: Sebanyak lapan syarikat di bawah Program Gate to Global (GTG) MARA menyertai Pameran Perdagangan Antarabangsa Gulfood 2024 di Dubai, Emiriah Arab Bersatu. Pameran di

Song Hye Kyo biarawati Dark Nuns

Pelakon Korea Selatan, Song Hye Kyo kembali ke dunia lakonan dengan membintangi fi lem Dark Nuns.  Selain Hye Kyo, terdapat bintang lain seperti Vincenzo Jeon

Terima kasih Tun Taib

ALLAHYARHAM TUN PEHIN SRI ABDUL TAIB MAHMUD tokoh Sarawak disegani membawa pelbagai perubahan kepada masyarakat berbilang kaum dan agama di Bumi Kenyalang. Mempelopori bidang politik,