LONDON: Siti video ti mandangka langkar sebuah bilun besai ti digelar ‘hotel terebai’ sereta ulih ngundan 5,000 penumpang ba siti timpuh mujur narit ati mensia mayuh.
Hotel dalam bilun nya diberi nama Sky Cruise ngembuan 20 enjin bekuasa nuklear ti diatur ngena teknologi Artificial Intelligence (AI) sereta digaga ngambi enda sangkai ba tanah.
Sebengkah penerang madah, penumpang ti deka nepan tauka bemalam ba Sky Cruise deka diangkut ngena bilun bukai lalu pengawa nyeleti bilun nya bela dipejalai ba atas langit.
Penengkebang bilun besai nya, Hashem Alghaili madah, Sky Cruise deka nyadi perengka pengangkut dudi hari dunya.
Bilun nya disikap ngena palan bebeli barang, gimnasium, panggung wayang enggau pegung nyemerai.
“Bilun tu enda beguna bala penerebai bilun tang beoperasyen ngena chara automatik,” ku Hashem.
