ARTIKEL

UNGKUP KENANG… Kim Shin (duduk, tengah) begambar ungkup kenang enggau pegawai ba ICQS Sungai Tujoh ditu, kemari.

ICQS Sungai Tujoh meseti diseleti meruan dikena mutar isu jalai alun sekut dia

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Opis Menteri Pengangkut Sarawak udah ngelangkar sekeda perambu nambah jalai ba Kompleks Imigresyen, Kastam, Kuarantin enggau Pengelikun (ICQS) Sungai Tujoh nyadi siti inisiatif dikena mutar penanggul jalai alun sekut dia.

Menteri Pengangkut Sarawak, Datuk Seri Lee Kim Shin madah, perambu nya nyengkaum nyendia arung tambah enggau kaunter ngena kuntina ungkup entukar Malaysia ti nengah ICQS nya.

“Aku bisi dipadah entukar berintai panjai ba palan meresa Imigresyen Sungai Tujoh berebak enggau gaya tusun atur kaunter dia.

“Tusun atur langkar tengkebang kaunter ti endang udah bisi ditu enda tentu nemban ngujung ke penanggul jalai alun sekut ditu nyadi.

“Nya alai, langkar tengkebang kaunter nya patut dikemanahka agi ngambi pejalai entukar pansut enggau tama lanchar.

“Penanggul tu mega ngujung ke kaunter kastam bela napi penanggul sekut lebuh bisi tiga nyentuk empat entukar seretai tama ari kaunter imigresyen,” ku iya.

Kim Shin mansutka jaku nya rambau ngatur penemuai gawa ngagai raban Imigresyen ba ICQS Sungai Tujoh ditu, kemari.

Iya madahka diri merambu chara mutar timpuh panjai nengah pengawa nyeleti kompleks besai ICQS Sungai Tujoh ti agi nganti pemendar ari Opis Menteri Dalam Menua (KDN).

“Aku suah mantai isu tu tang nyentuk sehari tu isu tu apin diputar.

“Kitai udah merambu deka nyeleti ICQS Sungai Tujoh tu sereta ngarap KDN ngemerat pekara tu laban tu pintu penama ti beguna amat ungkup kededua menua nyengkaum Brunei.

“Ukai semina temuai ari Brunei aja tang mensia mayuh ari Limbang, Lawas enggau Sabah bela ngena fasiliti tu.

“Nya alai, aku ngarap isu tu ulih diputar lengkas lalu perambu nyeleti fasiliti tu ulih dipasuk ba pengawa mantaika bajet ti deka datai,” ku iya.

BERITA LAIN

KGBS temegah GPN ungkup SPM 2023 bisi niki

KUCHING: Gerempung Pengajar Bumiputera Sarawak (KGBS) temegah laban nembiak ti bulih A ba peresa Sijil Pelajaran Malaysia (SPM) 2023 bisi nambah enti dibanding enggau taun

BERITA TERBARU