TAIPEI: Siku ikan yu enam singap idung tumpul (blutnose sixgill shark) dipelaba udah bisi ba dunya sebedau jeman dinasour suba bisi mujur ditangkap orang berikan Taiwan ari pelilih Taitung.
Pemantu pemansik ba Palan Biologi Marin Pantai Timur Institut Pemansik Pengawa Berikan, Wu Jui-hsien madah, ikan yu nya jarang ditemu laban idup ba penalam 200 nyentuk 1,000 meter ba baruh tasik.
Ku iya, taja pen mayuh bansa yu moden udah berubah sereta ngembuan lima singap tang ikan yu blutnose nya agi ngembuan enam singap baka suba.
“Ikan 420 kilogram pemerat enggau 395 sentimeter pemanjai tu ditangkap orang berikan ba Tasik Pasifik lalu dibai ngagai palan penyangkai kapal ba pelilih timur Taiwan, Xingang.
Penerang ari website Muzium Florida madah, ikan yu bluntnose nyau deka baka gamal ikan nya urung 200 juta taun ti udah.
