ARTIKEL

Indeks penyalah ba Sarawak agi ulih dijaga

Facebook
Twitter
LinkedIn
WhatsApp
Telegram

KUCHING: Tikas indeks penyalah ba Sarawak berengkah ari bulan Januari nyentuk tengan bulan Disember tu bisi nambah satu peratus enti dibanding ba timpuh sebaka ba taun nyin kemari.

Kepala Polis Sarawak, Datuk Mancha Ata madah, taja pen penyampau nya nambah tang kes penyalah agi ulih dijaga lalu tikas mutar kes nya urung 100 peratus ulih dipejalai.

“Penyalah ba Sarawak ba bulan Januari nyentuk Disember tu semina nambah satu peratus tang pengawa mutar kes tu ulih diputar kitai 90 peratus naka timpuh nya.

“Tu mandangka penyalah ba Sarawak agi ulih dijaga lalu inisiatif nagang isu pengelikun ditampung begulai,” ku iya.

Mancha mansutka jaku nya rambau aum pemberita pengudah ngatur penemuai basa ngagai Premier Sarawak, Datuk Patinggi Tan Sri Abang Johari Tun Openg ba Wisma Bapa Malaysia ditu, kemari.

Nya meh penemuai basa keterubah iya ngagai Premier Sarawak pengudah mangku penuduk Kepala Polis Sarawak.

Ngelansa senentang penemuai basa nya, iya nyemetak madah, inisiatif ngemanahka agi pengawa nyaga adan menua nyadi isu dikerandau ba penemuai nya.

“Entara pekara dikemerat baka isu adan menua ari sukut ngemanahka agi reta logistik ti mungkur pengawa nyaga pengelikun adan darat enggau tasik,” ku iya.

Iya madah, isu bukai bela dikerandau bekaul gaya penyalah narkotik kemaya hari kelimpah isu pengelikun enggau pengelantang Sarawak.

Ungkup rikod, tikas indeks penyalah Sarawak ngerikod 3,895 kes ba taun 2022.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Allahyarham Tun Taib, Arkitek Pemodenan

MIRI: Yang di-Pertua Negeri Tun Pehin Sri Abdul Taib Mahmud digambarkan sebagai seorang Arkitek Pemodenan kerana sepanjang perkhidmatannya sebagai Ketua Menteri, beliau berjaya mengangkat serta