Indu baru beranak dibantu RM450

KUCHING: Bepun 1 Januari 2020 semua raban indu tauka indai ti baru udah beranak tauka ti benung bepenti deka dibantu RM450 siku.

Kepala Menteri ti mega Menteri Wang Enggau Pengatur Ekonomi Datuk Patinggi Abang Johari Tun Openg madahka pekara maya mantaika Bajet Sarawak 2020 maya Aum Kedua Renggat Keempat Dun Ke-18 ditu, pagi tadi.

“Bisi RM18 juta agih belanja disediakan ba taun baru ke alai bepun 1 Januari 2020 RM450 diberi terus ngagai raban indu ti baru udah beranak.

“Bantu tu dikena nyukung sida napi pemar tating belanja lebuh maya bepenti sepengelama tiga bulan laban sekeda sida bisi nadai gawa maya nya,” ku iya.

Suara Sarawak