Indu OKU ditemu dipasung pengudah ngenyit beranak

SERIAN: Ulah siku nembiak lelaki masung indu nyelai pendiau (OKU) ditemu pengudah indu nya ngenyit beranak 18 Julai tu tadi.

Indu beumur 24 taun ari Kampung Jenan ditu ngadaka anak lelaki ba Sepital Besai Sarawak (SGH).

Berindik ari nya, indai indu nya ngaga ripot polis ba Indu Opis Polis Pelilih (IPD) Serian, ditu.

Ketuai Polis Pelilih Serian, Deputi Superintendan Aswandi Anis madahka lelaki disangka ngereja penyalah beumur 17 taun nya orang ke diau besemak enggau indu OKU nya.

“Kenu ku indu nya, nembiak lelaki nya masung iya ba rumah lebuh indai iya nadai dia,” ku iya nerang tadi.

Pia mega ku iya, sida sebilik enda sedarka iya betubuh bisi laban kandung enda berupai dataika beranak.

Nangkan nya, Indu nya diatu benung diperubat ba SGH.

Aswandi madahka sida diatu benung ngiga nembiak lelaki disangka ngereja penyalah ti udah ngelarika diri.

Kes dipansik nitihka Seksyen 476 Kanun Keseksaan.

Deputi Superintendan Aswandi Anis

Suara Sarawak