RUSIA: Siku indu, 53, dipejah mensia mayuh pengudah iya nikah enggau anak iru iya empu ti beumur 22 taun.
Pemain muzik tebilang Tatarstan, Aisylu Chizhevskaya-Mingalim mutus ati nikah enggau Daniil kena 20 Oktober tu tadi pengudah lapan taun iya ngambu nembiak nya nyadi anak iru iya.
Iya madahka diri ngiru Daniil lebuh nembiak nya beumur 13 taun lalu kaul seduai chukup manah laban bela minat muzik.
Pengudah nyadi anak iru, Daniil diau begulai enggau Aisylu ba sebuah rumah lalu nya ngujung ke mayuh petenah enggau berita sebubu ngapa senentang kaul seduai.
Nya alai, dikena ngetu pekara nya, dia Aisylu mutus ati nikah enggau Daniil.
Ku Aisylu, iya enggau laki iya Daniil bela ngembuan lima anak iru, siku anak kandung enggau enam nembiak mit.
