JAKARTA: Siku indu setengan umur ba Kalimantan Barat ditu nyadi buah randau mensia penguna media rama pengudah iya jadi enggau siku nembiak beumur 16 taun.
Video seduai nikah nya dikunsika ba akaun Instagram @ndorobei.official.
Mariana, 41, nikah enggau Kevin urung 25 taun biak agi ari iya lalu enti ari sukut undang-undang Indonesia, Kevin agi baruh umur.
Kebendar, Kevin nya anak kaban Mariana empu ti benama Lisa lalu ngujung ke Lisa nyadi entua iya empu.
“Lebuh agi biak, Kevin suah datai ngagai kedai aku meli barang lalu aku enda nyangka ulih jadi enggau iya.
“Kami duai nikah laban bela deka begulai sama lalu takah umur ti kelalu besai nya nadai penanggul ba kami,” ku iya.
Bepelasar website rasmi Opis Menteri Penegap Indu enggau Nyaga Anak (PPA) Indonesia, umur minimun nikah ungkup lelaki enggau indu iya nya 19 taun.
