KUCHING: Ordinan Pengagihan Gas (DGO) 2016 berengkah diterit 1 Julai 2018 diatu dalam timpuh ‘interim’ pengelama 18 bulan.
Ku Menteri Utiliti Datuk Seri Stephen Rundi Utom, pejalai timpuh ‘interim’ disadang tembu ujung taun tu.
“Peminta lisin mayuh bengkah aktiviti baka Part III Seksyen 7 udah diterima nitihka atur Lisin Peminta Notis Awam DGO 2016 dalam bulan Julai 2018.
“Kesemua peminta udah diperati silik lalu lisin deka dikeluar ngagai peminta ti dikemendar,” ku iya.
Rundi mansutka jaku tu lebuh nyimpul mosyen Aum Keterubah Renggat Keempat Aum Dun Ke-18 ditu, kemari.
Ku Rundi, sida nagit penyampau tubuh staf dalam industri gis deka nambah nengah kerejasama palan pelajar menua tu ba pengawa nyendiaka kus bekaul.
“Pekara tu beguna amat dikena nangkup peneka enggau peminta orang gawa maya aktiviti ngagihka gis di Sarawak dipejalai penuh.
“Opis Menteri aku mega deka nentuka industri gis tu nyadi pemansut belanja baru Sarawak,” ku iya nerang.
Nangkan nya ku Rundi, pejalai aktiviti ngagihka gis nengah pengawa neritka atur GDO 2916 deka nyendiaka mayuh peluang dagang enggau pengawa puang.
“Mayuh peluang bedagang enggau pengawa puang disedia ungkup rayat Sarawak nengah pengawa tu.
“Dikearap pengawa tu ulih mantu nyungkak ekonomi rama semua rayat,” ku iya nyimpul.
