Injin kerita angus ngenyit ba rantau jalai

TATAU: Sebuah kerita perodua ke ditepan siku lelaki enggau indai iya angus ngenyit ba rantau jalai pengudah pansut ari Simpang Pasar Tatau, ditu tumu pagi tadi.

Nitih penerang dipansut ke pemesai kanan Bomba enggau Penyah Penusah ( BBP) Tatau PBK II Azman Hamit sida ia nerima kangau telefon urung pukul 6.45 pagi tu tadi.

“Piak bomba datai ngesah ngena sebuah Scania enggau tujuh iku staf, api mujur dipadam.

“Penusah angus nyadi bepun ari injin. Sebedau nganguska semua tubuh kerita nya .

“Taja pia, lelaki ke deriba nya enggau siku agi orang ke numpang kerita nya mujur nyelamat diri,” ku iya.
Kes tu udah diserah ngagai piak polis ngambika dipansik enggau silik.

Suara Sarawak