Intu manah pengeraja asal menua

KUCHING: Ketua Menteri Datuk Patinggi Abang Johari Tun Openg deka pengeraja asal menua tu diintu enggau manah.

Ku iya, pekara nya beguna bendar laban nya ukai semina deka narit penemuai ari menua luar datai ke Sarawak tang mega deka ngengkahka Sarawak siti palan penemuai pengeraja asal pemadu manah dunya.

“Tu daya idup diatu, dunya majak betemu enggau penanggul kurang pengeraja asal kelebih agi ngagai bala jelu babas ti disadang deka punas.

“Kita chukup benasip laban Sarawak agi ngembuan mayuh rizab pengeraja asal lalu nya patut dijaga enggau manah,” ku iya.

Abang Johari madah munyi nya lebuh bejaku ba Pengerami Makai Lemai Ke-16 Sarawak Forestry Cooperation (SFC) ditu, malam tadi.

Berebak enggau nya, iya mega deka SFC meda peluang ngelakuka taman negara enggau jelu babas nengeri tu dalam pengawa dagang temuai