LAWAS: Pelilih Lawas deka disikap ngena Indu Opis Pelilih (IPD) ke baru.
Sapit Kepala Menteri Datuk Amar Awang Tengah Ali Hasan madah, projek IPD deka disikap ngena perengkaguna enggau kereban bukai nyengkaum ungkup raban orang nyelai pendiau (OKU).
Ku iya, kereja ngaga projek nya udah disambung baru pengudah tejanggal sekumbang Atur Tagang Pejalai (PKP) ketegal Covid-19.
“Timpuh projek nya diatu udah diinsur baru ketegal PKP dipejalai perintah, ditimpuh tembu 17 September 2022.
“Begunan opis tu mega disikap ngena sekeda perengkaguna beguna amat baka opis, padang kawat, setor barang kes, balai mayuh guna enggau surau.
“IPD tu mega deka bisi tadika enggau rumah flat lima ringkat ti disikap ngena lift ti meri pemaik ngagai raban OKU.
“Semua tu endang dipinta aku, opis meseti disikap ngena utai diguna OKU,” ku iya.
