ARTIKEL

Iskandar dikeandal ulih mai ubah ngagai Jepak

Facebook
Twitter
LinkedIn
WhatsApp
Telegram

BINTULU: Tuai Parti Pesaka Bumiputera Bersatu (PBB) Pampang Tanjong Batu, Haidar Khan Asghar Khan andal Kaban Kunsil Nengeri (ADUN) Jepak ti baru, Iskandar Turkee ulih mai sitak Jepak nuju pemansang enggau penyulut ti manah agi.

Iya mega pechaya peneleba nyadi pegawai kanan perintah deka mantu Iskandar bejalaika pengawa nyadi pengari rayat.

“Kitai (PBB Tanjong Batu) deka seruran bediri ba belakang iya ngambi mantu iya lalu kitai ngarap iya ingat ke kitai (PBB) ba Tanjong Batu.

“Aku andal sereta pechaya sida deka nyadi tuai kitai ba Bintulu tang kitai agi suntuk tuai kelebih agi ba komuniti Melayu.

“Nya alai, aku andal sereta pechaya iya (Iskandar) ulih nangkup pengawa ti besai lalu ulih nyadi endur semua kitai bepegai ila, insya-Allah,” ku iya.

Haidar mansutka jaku nya ba Pengerami Makai Malam Begulai Enggau PBB Tanjong Batu sereta pengawa bejadi Protem Nembiak PBB Tanjong Batu ba sebengkah hotel tebilang ditu, malam ensanus.

Berebak enggau nya, Haidar madah, urung 1,000 pengundi Jepak ba sitak DUN Tanjong Batu lalu tebal agi sida diau ba Kampung Assyakirin Renggat 1, 2 enggau 3 kelimpah ba taman berumah ngelingi Bintulu.

“Ungkup penerang, tiga iku (Tuai Pampang Tanjong Batu, Sapit Tuai Pampang, Tuai Nembiak Pampang) endang pengundi Jepak.

“Nya alai, aku ngasai undi kami tiga tu undi ti beguna amat.

“Ngarap Iskandar ingat ke kami lebuh bisi agih belanja MRP enggau ti bukai, ulih meh nikau mimit,” ku iya.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU