Isu ai seruran dikemerat

KANOWIT: Penanggul suntuk ai beresi di pelilih Kanowit seruran dikemeratka Kaban Kunsil Nengeri (Adun) Machan Allan Siden Gramong.

Kilah ensana, iya empu bisi datai ngabas palan bekal ai beresi Kanowit.

Penatai iya maya tu disempulang Direkter Bekal Ai Menua Pesisir Sarawak Ir Chang Kuet Shian sereta bela digulu sekeda pemesai ari Opis Bekal Ai Menua Pesisir (JBALB) sitak Sibu.

Maya datai dia, JBALB Sarawak nerang ngagai iya sentang isu bekal ai ke bisi nyadi di pelilih Kanowit.

JBALB madahka pengawa naka ke diatu ti benung diaduka sida iya nya ‘Chemaquos UF Membrane System’ ba palan Ngubat Ai Kanowit ti dipelabaka ulih berengkah dikena bulan Oktober tu.

Projek ke digelar ‘Design and Build Proposed Performance Based Contract For Short Term Solution For Acute Water Supply Shortager For Kanowit Water Treatment Plant (WTF) Sibu Division mungkur dua iti renggat iya nya 2MLD ungkup pelilih Kanowit.

Opis nya madahka projek tu udah berengkah April tu tadi lalu renggat keterubah tu deka tembu bulan Oktober kelimpah renggat kedua diperambu tembu bulan November.

NGABAS: Allan (tiga kanan) enggau bala bukai maya pengawa ngabas nya.