ARTIKEL

Isu laun projek Jalai Oya deka dipansik

Facebook
Twitter
LinkedIn
WhatsApp
Telegram

SIBU: Isu laun pengawa nyeleti enggau nangkir Jalai Oya ditu nyadi dua arung ngujung ke peranak dia mantaika sebana sida ba media sosial.

Baka ti dipandang ba papan penerang ba taba projek nya empu, projek nya kebendar berengkah digaga kena 20 Disember 2021 lalu disadang tembu kena 19 Disember 2023.

Taja pia, pengawa nembuka projek nya nitih haribulan ti udah ditaga enda mujur dikeamat.

Siku penguna Facebook nyalahka pengari rayat ba sitak nya sereta ngumbai iya nadai tanggungpengawa laban puntan nentu projek nya tembu nitih taga.

Siku agi penguna tekenyit seraya madahka Sibu dipeda agi jauh tinggal pemansang enti dibanding mengeri bukai ba Sarawak.

Kaban Kunsil Nengeri (ADUN) Bukit Assek, Chieng Jin Ek lebuh dirandau bekaul pekara nya bela ngaku projek nya laun sereta chakah deka mansik kebuah projek nya laun.

“Aku deka mansik pun isu laun projek tu ari Opis Tanah enggau Survei laban sida ti nyadi ejensi pengatur.

“Projek tu kebendar ditaga tembu ba bulan baru (Januari 2024) tauka pun bulan Februari 2024 tang enti dipeda ari sukut gaya nyangka enda sempat,” ku iya.

Chieng mansutka jaku nya rambau dirandau pemberita ba Kimpin Nyilih Tong Gas LPG PETROS ditu, kemari.

Ngelansa senentang kimpin nya, iya madah, urung 150 tong gas mirah PETROS bisi disedia ungkup mensia mayuh dikena nyilih ting gas kuning sida.

Iya madah, kimpin sebaka deka diatur ba Gerija Methodist Logos, Jalai Tong Sang kena 23 Disember (Hari Enam) tu pukul 9 pagi.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Allahyarham Tun Taib, Arkitek Pemodenan

MIRI: Yang di-Pertua Negeri Tun Pehin Sri Abdul Taib Mahmud digambarkan sebagai seorang Arkitek Pemodenan kerana sepanjang perkhidmatannya sebagai Ketua Menteri, beliau berjaya mengangkat serta